Отсекогаш постоела разлика помеѓу тоа колку ќе заработи Apple App Store, а колку Google Play. Но, во третиот квартал од 2018. година, јазот значително се зголеми – веројатно на највисоко ниво досега, пишува TechCrunch.
Според новиот извештај на Sensor Tower, App Store заработи скоро 93% повеќе од Google Play за споменатиот период. Ова е најголемата разлика од најмалку 2014-та, откога Sensor Tower започна да ги следи податоците на Google Play.
Sensor Tower тврди дека околу 66% од вкупниот приход од 18,2 милијарди долари во мобилните апликации генерирани во третиот квартал од 2018. година пристигнуваат од Apple App Store. Тој во текот на овој период заработи 12 милијарди долари, што е за 23,3 отсто повеќе од 9,7 милијарди долари што ги оствари во истиот период од минатата година.
Во меѓувреме, Google Play заработи 6,2 милијарди долари во кварталот, 21,5 отсто повеќе од третиот квартал од 2017. година, кога достигна до 5,1 милијарда долари.
Врз основа на рангирањето на најпрофитабилните апликации во двете продавници, претплатите продолжуваат да го намалуваат растот на приходите.
Netflix останува најпрофитабилната „off-line“ апликација веќе трет последователен квартал, собирајќи околу 243,7 милиони долари во двете платформи. Tinder и Tencent Video се рангирани на второто и третото место.
Мобилните игри, исто така, го зголемија растот на приходите. Трошоците за кои станува збор се зголемија за 14,9% на годишно ниво во кварталот до 13,8 милијарди долари. Всушност, тие донесоа 76 проценти од сите приходи од апликациите на двете платформи во овој период. 8,5 милијарди долари беа генерирани од App Store и 5,3 милијарди долари од Google Play.
Во однос на преземањата на апликациите, Google Play е уште еден чекор напред поради широката употреба на поевтини уреди на Android на пазарите во развој, се вели во извештајот. Инсталациите за апликации пораснаа за 10,9 отсто во двете онлајн продавници до 27,1 милијарди долари или 24,4 отсто повеќе во однос на третиот квартал од 2017-та година.