Низата шпекулации и детали за новите Huawei Mate 20 уреди продолжува. Додека го чекаме настанот во Лондон, голем број нови фотографии на Huawei Mate 20 Pro и некои од официјалните додатоци за него се појавија на интернет. Сликите беа објавени од страна на SlashLeaks и го покажуваат Huawei Mate 20 Pro со Smart View, PU паричник и силиконско куќиште.
Покрај тоа, фотографиите обезбедуваат подобар преглед на безжичниот полнач на компанијата и нов тип на мемориска картичка која е развиена од страна на кинеската компанија. Последното е особено интересно и потврдено од XDA Developers, кои посочуваат дека NM картичката всушност е SD картичка, но се уште нема повеќе детали. Импресионира дека неговата форма е како нано СИМ, а текстот на врвот открива дека има капацитет од 128GB и поддржува брзина на трансфер од 90MB / s. Ова е во согласност со класификацијата SD Association како потребна брзина за снимање на видео со 4K резолуција или повисоко.
Сликите потврдуваат дека Huawei Mate 20 Pro ќе поддржи безжично полнење и ќе има поширок исечен дел на екранот. Ова значи дека Mate 20 ќе понуди помал пресек, во однос на она што го видовме порано. Ова е потврдено со кратко видео кое го прикажува Mate 20 со тројна главна камера и со сензор за отпечатоци под него. Маските за Mate 20 Pro немаат отвор за сензор на задниот капак, што сугерира дека тој може да е вграден во екранот.
Безжичниот полнач обезбедува полнење на 15W и го поддржува Qi стандардот. Напојувањето се случува преку USB Type-C порта (од очекуваниот 40 ватен полнач на Huawei), а врз горната површина има силиконски слој за спречување на оштетување на стаклената плоча. Според информациите, полначот може да открие поставување врз него на други објекти како лични карти, клучеви и монети, со цел да го исклучи доводот на енергија. Неодамна видовме и слики на безжичните слушалки Freebuds 2 Pro чиј футрола со вградена батерија ќе може да се полни од Mate 20 Pro.
