Коментирањето на YouTube е често фрустрирачко, не само поради начинот на кој повеќето луѓе се однесуваат, туку и поради целиот асортиман на багови и недовршени карактеристики. Веќе со години се чини дека подобрувањето на одделот за коментари не е еден од приоритетите на YouTube. Еден од оние постојани проблеми беше автоматско пополнување на корисничките имиња кога почнувате одговор на пораките, но сега изгледа дека конечно дојде до ажурирање.
Пред приближно недела дена, некои корисници почнаа да забележуваат новости што се случуваат во полето за коментари. Името на главниот коментар сега се појавува во форма на мал блок таг. Притискање backspace неколкупати ќе ја избрише целата ознака, наместо една по една буква, и ако објавите коментар со таг, тој ќе биде прикажан со линк што води кон каналот на корисникот. Ова многу потсетува на таговите на Google+ и Twitter.
Иако сè ова звучи добро, сè уште постојат работи што треба да се решат. Изгледа дека нема начин за означување на некој без одговор на нивниот коментар. Тоа значи дека не можете да означите никој друг освен лицето на кому му одговарате ниту пак можете да означите повеќе лица во коментар.
Исто така, додека секцијата за коментари е поврзана со каналот на означените лица, известувањата кои ги примаат прикажува само порака со нивното име додадено на почетокот. Веб-интерфејсот продолжува со овој стил, откажувајќи се од врската за означениот канал и додава знак “+” во предниот дел на името.
Колку што може да се види од извештаите, овие ознаки почнаа да се појавуваат пред околу една недела, но работат уште од v13.27.54 објавена на 13 јули. YouTube веројатно започнал со бета тестирање пред еден месец, а ознаки беа овозможени минатата недела. Не е јасно дали сите имаат пристап или ова е ограничено само на некои корисници.