Во обид да се победат срцевите заболувања и штетата предизвикана од срцев удар, научниците истражуваат широк спектар на опции со кои ќе се овозможи регенерација на срцевите клетки.
Во новата студија објавена во списанието на Националната академија на науките, на Универзитетот во Флорида научниците викаат дека еден ден може да се развие процес со кој може да се регенерира ткиво во човечкото срце. Според новото истражување, со позајмување на техниката која ја користи суштеството без срце и мускули Nematostella vectensis ќе може да се постигне мускулна регенерација.
Морската анемона не е само обично суштество таа има супер способности да се регенерира (доколку се исече на парчиња секое парче се регенерира во нова анемона) и точно оваа нејзина супер сила може да не научи како да ја стимулираме регенеративната способност на срцето.
Оваа идеја научниците ја добиле кога се обиделе да се осврнат на евулутивното потекло на мускулните клетки-како оние кои се наоѓаат во срцето. Според нив, доколку се утврди како комуницираат гените во мускулните клетки од срцето тогаш би можело да се постигне мускулна регенерација кај луѓето.
При анализата на „срцевите гени“ и гените на анемона, научниците откриле разлика во начинот на кој тие комуницираат едни со други во споредба со гените кај други животни.
Во човечкото срце, природната регенерација е многу бавна и тоа не е доволно за мускулните клетки да се борат при повреда и болест.
Кај анемоната не постои клуч кој ги заклучува гените за регенерација и затоа тие се претвораат во други типови на клетки и регенерацијата е возможна, а кај сите други животински видови постои заклучување на гените.
Извор: Pharmanews.mk