По повод новата учебна година: Најпопуларните апликации за учење

Почнува новата учебна година, па добро е освен вообичаените школски предмети и помагала да се обезбедат и соодветни гаџети и апликации кои можат значително да им го олеснат животот на учениците и на студентите. Овие се најпопуларните апликации што можат да се користат при учењето:

Добивај вести на вибер

1.Photomath

Цена: бесплатно

Линк: iOS, Android, Microsoft store

Photomath е наједноставниот начин за решавање математички проблеми. Доволно е само да се насочи камерата од мобилниот телефон кон задачата, која речиси моментно добива решение. Со оглед на тоа што од неодамна е воведено и функционално скенирање на рачно напишани задачи, апликацијата моментно го нуди точниот резултат, заедно со комплетната постапка на решавање, чекор по чекор.

2. My Study Life

Линк: iOS, Android, Microsoft Store, Chrome Web Store

Оваа апликација ги интегрира сите аспекти на академскиот живот на едно место, преку повеќе платформи. Во неа можат да се внесуваат рокови и описи на задачите, испитите, бараните поправки за неположени испити, како и комплетен распоред на предмети и предавања. Можностите навистина се широки, па на прв поглед апликацијата изгледа комплицирано. Но, со прегледување на туторијалот што е интегриран во апликацијата, работите стануваат многу појасни.

3. Microsoft OneNote

Цена: бесплатно

Линк: iOS, Android, Microsoft Store

Наједноставниот опис на оваа апликација е дигитална тетратка. Со оглед на тоа што во апликацијата можат да се конфигурираат повеќе тетратки, можат да се отворат за секој предмет поединечно. Апликацијата е достапна на сите платформи, но за цртање сепак најадекватно е да се користи таблет или лаптоп со екран на допир. Кога се работи за запишување текст, наједноставно е користењето на лаптоп со класична тастатура. Клауд-поддршката е вистински адут затоа што запишаното и нацртаното лесно може да се прегледуваат на мобилниот телефон.

4. Периодичен систем на елементи

Цена: бесплатно.

Линк: iOS, Android

Иако постојат повеќе апликации за Периодичниот систем на елементите, ова е официјалната апликација на англискиот Royal Society of Chemistry. Како и сите други напредни апликации за Периодичниот систем, оваа исто така е на англиски јазик, што и не е голем проблем. Сите информации, како атомскиот број и валентноста, можат лесно да се читаат. Една од предностите е и можноста за прегледување како се менува секој елемент со менување на температурата.

5. WolphramAlpha 

Цена: 2,99 долари (iOS), околу 200 денари (Android, MicrosoftStore). Линк: iOS, Android, Microsoft Store

Оваа апликација е пребарувач кој не работи по истиот принцип како другите, кои се насочуваат кон клучните зборови за пребарување и нудат што поголем број интернет-страници каде што се појавуваат посочените зборови. Апликацијата работи врз принцип на алгоритам кој собира и компресира поголемо количество достапни информации. Дополнително, апликацијата обработува и математички задачи. Иако е побавна од Photomath, оваа апликација нуди многу повеќе информации за начинот и текот на решавањето на задачата.

6. Khan Academy

Цена: бесплатно
Линк: iOS, Android, Microsoft Store

Оваа апликација е систем со над 10.000 видеа (на англиски јазик) кои покриваат математика, економија, историја и разни други предмети. Темите се толку широки, што можат да се користат и по завршувањето на формалното образование. Сите видеозаписи се снимени професионално, со највисок квалитет, па речиси е неверојатно што апликацијата е бесплатна. И интерфејсот исто така е едноставен, па дури и проследува каде сте застанале со видеозаписот при исклучувањето на апликацијата.

7. DuoLingo

Цена: бесплатно
Линк: iOS, Android, Microsoft Store

Дигиталните скенери не се нешто ново. Работат така што со камерата се фотографира некаква хартија или таблата во училницата, па таа фотографија се префрлува во разни записи, како pdf-датотеки. Во тестирањето на различни скенер-апликации, OfficeLens нема конкуренција. Иако и други апликации имаат можност за исправка на снимениот материјал во поглед на аголот на снимањето, оваа апликација тоа го прави со многу малку пикселизација, дисторзија и издолжување на фотографијата. Најпрактична е интеграцијата со OneNote, при која скенираниот материјал може директно да се префрли во тетратката за адекватниот предмет.

9. GeoGebra графички калкулатор

Цена: бесплатно
Линк: iOS, Android, Microsoft Store

Со калкулаторот GeoGebra лесно можат да се решат математички проблеми, статистички задачи, графички функции и равенки. Наместо тастатурата од мобилниот телефон, апликацијата има своја сопствена, што е многу практично, иако бара одредено приспособување. Апликацијата за кратко време ја решава задачата и го исцртува графиконот, но недостигаат начинот и постапката на решавање, какви што има во Photomath.

10. Dictionary.com

Цена: бесплатно
Линк: iOS, Android, Microsoft Store

Водечкиот интернет-речник на англиски јазик, Dictionary.com, има и своја апликација за мобилен телефон. Базата од над 2.000.000 збора функционира без грешка. Дополнително, особено е интересна и функцијата – збор на денот, која може да се добива и со нотификација, па на тој начин можете да го збогатите сопствениот речник за 365 нови збора на годишно ниво. Исто така, хит се и речниците на сленг, како жаргонот што бил актуелен во 70-тите години.

11. ClearFocus

Цена: бесплатно
Линк: iOS, Android

Со оваа апликација се  олеснува користењето на техниките за зголемување на ефикасноста при учење Pomodoro, односно се сегментира учењето: на секои 25 минути поминати во учење, следува пауза од 5 минути. Откако ќе се одработат четири блока по 25 минути работа, паузата се зголемува на 15-20 минути. Апликацијата е извонредно едноставна и интуитивна и автоматски го продолжува четвртиот одмор.
Техниката ја развил Франческо Чирило кога се присилувал себеси на учење. Тогаш тој зел кујнски тајмер во форма на домат и го наместил на 10 минути. Со текот на времето ја усовршил техниката и сфатил дека блоковите од 25-минутно работење се најефикасни. Зголемувањето на ефикасноста при учење со користењето на оваа метода се евидентни.