Според наводите на Digitimes, Apple планира следната година да претстави iPad Pro со OLED дисплеј. Компанијата ќе користи 10,9-инчен OLED шанел за својот 2022 iPad Pro. Извештајот сугерира и дека Apple исто так апланира 12,9-инчен OLED iPad Pro, како и 16-инчен OLED MacBook Pro за подоцнежниот период од 2022. година.
Извештајот на Digitimes малку е контроверзен, со оглед на тоа што голем број извори укажуваат на тоа дека iPad Pro и MacBook Pro линиите уреди за 2021. година планираат да ја имплементираат новата mini LED технологија.
Најрано што би можеле да видиме mini LED iPad е во текот на март. Новите редизајнирани MacBook Pro модели со 14 и 16-инчни дисплеи и Apple чип, исто така се очекуваат со mini LED екрани во текот на 2021. година.
Ова не е прв пат да слушаме информации за iPad уреди со OLED екран. Јужнокорејските медиуми претходно сугерираа дека OLED iPad пристигнува во текот на втората половина од оваа година.
Извештајот на Digitimes тврди дека Apple експериментира со mini LED, micro LED и OLED технологии за своите iPad и MacBook линии уреди.