Дупката на Меѓународната вселенска станица (МВС/ISS) низ која струи воздух изгледа како гребнатинка долга два-три сантиметри, рече астронаутот Анатолиј Ивашин на денешната прес-конференција.
„Она што го видовме би го опишал како гребнатинка, но не можам да кажам пукнатина, бидејќи не можевме да погледнеме длабоко во металната конструкција. Оваа гребнатинка е долга неколку сантиметри, можеби два до три, и е некако накривена“, рече рускиот астронаут.
Извор од руската новинска агенција ТАСС уште во август извести дека руско-американскиот екипаж на МВС работи на следење на струењето воздух во орбиталната станица, а потоа Роскосмос ја потврди информацијата.
Екипажот на МВС ја извести руската контрола на летање на 15 октомври дека астронаутите го пронашле местото од каде доаѓа воздухот, но исто така извести дека тоа не претставува опасност за луѓето што се таму горе, соопшти Роскосмос.
Во меѓувреме, дупката беше затворена со привремени делови. Извор близок до руската вселенска агенција за ТАСС изјави дека струењето на воздухот ќе биде целосно испитано кога Сојуз МС-16 ќе слета таму.
Струењето прв го забележал астронаутот Иван Вагнер. Половина од тимот се врати на Земјата на 22 октомври, поточно Анатолиј Ивашин, Иван Вагнер и астронаутот на НАСА, Крис Касиди.
Сергеј Рјажиков и Сергеј Куд-Сверчков и астронаутот на НАСА, Кејтлин Рубинс останаа на МВС.
Извор: B92.net