Само во текот на овој месец, Realme претстави три телефони од серијата 7: Realme 7i, Realme 7 и Realme 7 Pro. Меѓутоа, компанијата изгледа има во план објава на уште модели од оваа серија.
Според наводите на дојавувачот @stufflistings, ќе постои уште еден Realme „7-series” телефон, што би требало да биде објавен во октомври. Наводно во прашање е Realme 7 Pro SE моделот.
Моментно, нема многу детали за Realme 7 Pro SE телефонот. Вообичаено, „SE“ ознаката е резервирана за телефоните со нешто послаби спецификации . Од друга страна, може да означува и специјална едиција на актуелниот Realme 7 Pro модел.
Во текот на споменатиот период, од кинеската компанија се очекува објава на уште осум лајфстајл гаџети, а тоа се Realme Buds Wireless Pro, Realme 55″ 4K TV, Realme Soundbar, Realme Buds Air Pro, Realme Watch S, Realme Smart Plugs, Realme Toothbrush и Realme 360 Smart Camera.