Најновиот ултраширок гејминг монитор на компанијата LG е моделот 34GP83-A. Мониторо има закривен Nano IPS панел со брз одзив, G-Sync поддршка и висока стапка на освежување.
Овој 34-инчен Nano IPS панел нуди 3440 x 1440p резолуција, 1ms G2G одзив, 144Hz стапка на освежување (OC 160Hz) и агли на гледање од 178 степени. Панелот од 10 бита нуди 1000:1 контраст, 400 нита осветлување, со покриеност од 98% DCI-P3 спектарот на бои.
LG 34PG83-A е сертификуван за VESA DisplayHDR 400, овзоможувајќи му на мониторот да репродуцира HDR содржини за подобрено искуство на приказ на содржини. Благодарение на Nvidia G-Sync и AMD FreeSync (Premium), корисниците можат да уживаат во гејминг сесии без сецкање и цепење на екранот. Останатите гејминг функции вклучуваат Dynamic Action Sync, Black Stabilizer, Reader mode и flicker-free технологија.
Опциите на конекција на мониторот вклучуваат 2x HDMI порта, DisplayPort и 3.5mm приклучок, со USB upstream портови и 2x USB downstream влеза. LG 34PG83-A е достапен во претпродажба по цена од 1000 долари.