Mobile World Congres (MWC) во Барселона традиционално се одржува секоја година во последната недела на февруари или првата недела од март. Поради пандемијата на коронавирусот, MWC 2020 беше откажан, а организаторот на манифестацијата GSM Association сега објави дека MWC 2021 ќе биде одржан помеѓу 28. јуни и 1. јули во 2021. година.

MWC, сепак, ќе се случи и во текот на февруари, бидејќи за периодот од 23. до 25. февруари е планирано одржување на Мобилниот конгрес во Шангај. Конференцијата во Кина е наменети за азиско-пацифичкиот регион и брендовите што вообичаено не ги промовираат своите производи и услуги во Барселона.

GSMA chief executive officer John Hoffman gives a press conference in Barcelona on September 23, 2020. – The Mobile World Congress has postponed the 2021 edition, initially scheduled for March, for the month of June. (Photo by Josep LAGO / AFP) (Photo by JOSEP LAGO/AFP via Getty Images)

Извршниот директот на GSM Association, Џон Хофман истакна дека партнерите и клиентите остануваат посветени на тоа MWC 21 во Барселона да биде успешен. Според неговите зборови, конференцијата е искуство што ја зближува целата индустрија.

Засега не е познато кои изложувачи ќе учествуваат на конференцијата во јуни. Бројни компании, меѓу кои Sony, LG, Amazon, Intel, Facebook и Nokia се повлекоа од MWC 2020 уште пред настанот официјално да биде откажан. Дали овие компании, но и другите, ќе се вратат следната година, во многу ќе зависи од ситуацијата со Ковид-19 во следниот период.