Гласини и протечени информации за Google Pixel 4a смартфонот се појавуваат уште од декември минатата година. Телефонот требаше да биде претставен во мај, во текот на Google I/O 2020 конференцијата, која сепак е откажана поради Ковид-19 пандемијата.

Сега Google официјално го навести датумот кога се очекува телефонот да биде претставен. Pixel 4a ќе биде објавен на 3. август, како што сугерираа и претходните гласини.

Главната страница за листинг ги прикажува зборовите „The Google” и неколку сиви правоаголници, на кои е потребно да се кликне и да се распоредат правилно за да се добие фразата „The Google Just What You’ve Been Waiting For Phone”.

Се очекува дека Google Pixel 4a ќе има Snapdragon 730 čipset, 6GB RAM и 5.81-инчен FHD+ OLED екран. Уредот ќе поддржува 18W полнење и ќе има 12.2MP главна камера.