Веќе имавме прилика да видиме некои фотографии од претстојниот Galaxy Watch 3 паметен часовник на Samsung. Овој пат, уредот ни е прикажан од сите агли, а преку видео кое ни го овозможи дојавувачот @evleaks.
Покрај тоа, друг дојавувач – Max Weinbach дојде до фирмверот на уредот, кој открива некои од новите функции на паметниот часовник.
Galaxy Watch 3 има голем број нови позадини, а некои од нив се и од информативен карактер. Тука е новиот Informative Digital Edge, кој може да се прилагоди за прикажување на статистики по избор, а можно е и менување на бои. Апликацијата за време ќе прикажува соодветна позадина во зависност од временските услови надвор.
Некои други измени ги вклучуваат известувањата, новиот музички виџет, преинсталиран Spotify во САД и ECG функцијата за Јужна Кореја.