A1 Game Fest 2019 – најголемиот гејминг настан за оваа година

А1 Македонија со гордост го најавува A1 Game Fest 2019, најголемиот гејминг настан за оваа година што ќе се одржува во наредните два дена, 14 и 15 декември, овојпат во просторот на киното Cineplexx во Skopje City Mall. Влезот е бесплатен.

На оваа уникатна и најголема викенд забава за сите гејмери, косплеери, гикови, фанови, јутубери, кастери и сите кои уживаат во најважната – споредна работа на светот – игрите, натпреварувачите ќе ги одмерат силите во CS:GO, DOTA 2, Hearthstone, Cosplay, Fortnite, Tekken 7, Fifa20, Clash Royale. Наградниот фонд годинава е дури четирипати повисок од минатата година, во висина од околу 10.000 евра.

Оваа година нема да изостане ниту Cosplay натпреварот во маскирање , а сите пасионирани играчи на игрите од минатото ќе можат да го споделат своетo знаење во Ретро корнерот.

Како и минатата година, ќе се игра непречено на супер брз и стабилен интернет на А1, сите натпревари ќе бидат проследени со коментатори за секоја игра посебно, а стримани на LIVE фидот на Facebook страната на A1 и Twitch каналот на GG.MK.

Нема да изостанат награди и за посетителите на настанот кои ќе бидат дел од овој настан.

А1 Македонија е постојано во чекор со времето и актуелностите на светската телекомуникациска сцена која го инкорпорира гејмингот како дел од поп културата, а гејминг заедницата во земјата незапирливо расте. A1 Game Fest е уште еден придонес на компанијата кон негување на оваа култура со идеја истата да ја поддржува и унапредува.