Redmi го претстави RedmiBook 13 лаптопот, кој претставува помала верзија на постоечкиот RedmiBook 14 преносен компјутер. Новиот лаптоп на Redmi пристигнува со 10. генерација Intel Core i5 и Core i7 процесори, како и Nvidia GeForce MX250 графичка картичка.
RedmiBook 13 има куќиште од метал, со тежина од 1,23 килограми и дебелина од 17,8 милиметри. Лаптопот содржи 13,3-инчен дисплеј со Full HD+ резолуција од 1080 x 1920p. Екранот има 16:9 однос на страници и нуди агли на гледање од 178 степени.
Двете верзии на лаптопот (Core i7 и Core i5) имаат 8GB RAM и 512GB SSD простор за складирање. Оперативниот систем е Windows 10. Вообичаените опции за конекција се исто така присутни и вклучуваат Wi-Fi 802.11ac, Bluetooth 5.0, USB 3.1, HDMI i 3.5 мм приклучок. Покрај ова, тука се и два 2W звучника со DTS audio поддршка. Батеријата од 40 W со едно полнење може да трае до 11 часа.
RedmiBook 13 лаптопот со Core i7 и Core i5 процесори има цена од околу 782 и 682 долари, а ќе се продава во Moonlight Silver варијанта од 12. декември. Нема информации за потенцијалната глобална достапност на лаптопот.