Потенцијалните работодавци и партнери, вашите поранешни партнери, одамна изгубените роднини и пријатели, некој кому му должите пари… Може да има многу причини зошто некој би можел да бара повеќе информации за вас на интернет. Корисно е да се знаат овие пет начини како може да се дојде до нив.

1. Google Alerts

Сакате да знаете кој „ве гугла“? Како прв чекор ви ја предлагаме активацијата на „Гугл Алертс“, бесплатна алатка за следење на појавувањето на одредени клучни зборови или изрази на интернет. Во овој случај тоа ќе бидат вашето име, презиме и евентуално прекар.

Логирајте се на Google и одете на google.com/alerts. Внесете го вашето име и кликнете на Create Alert.

Одете на Show Option и погледнете кои други опции ви се понудени. Можете да нагодите колку често да добивате предупредување преку електронска пошта кога вашето име ќе се појави на интернет и Google ќе го забележи тоа, како и да видите како ќе изгледаат предупредувањата.

2. Држете ги социјалните мрежи на око

Mention.com функционира слично како Google Alerts, само што ги чешла социјалните мрежи во потрага по споменувањето на вашето име. На располагање ви се апликации за „Виндоус 10“ и „макОС“, како и за „Андроид“ и „ајфон“. Можете бесплатно да се пријавите за основна услуга и на 14 дена да ја испробате услугата за која инаку се плаќа.

По пријавата, логирајте се и направете предупредување. Можете да изберете до четири. На пример, име на членови на фамилијата. Потоа кликнете на Get Started и оставете страницата да си го направи своето.

Можете да одредите кои платформи ќе бидат пребарувани ако одите на Edit.

3. Направете профил на LinkedIn

За разлика од другите социјални мрежи, на деловната социјална мрежа LinkedIn можете да видите кој ви го гледал профилот. Ако ја користите бесплатната верзија, ќе видите само дел од нив. Со плаќање може да ги видите сите.

4. Ве бара ли некој одамна изгубен роднина?

Повеќе страници може да се употребат за да се пронајде некој. Постојат примери за страници кои, на пример, ги следат посвоените деца, други кои содржат огромни бази на податоци со фамилијарни стебла (www.ancestry.com)…

5. Венчавки и настани

Известувањето за смртта на некоја блиска личност исто така може да им покаже каде сте на лицата што ве бараат, особено ако имате исто презиме со починатата личност. Слично е и со венчавките и известувањата за раѓање деца.

Извор: Tportal.hr