Пазарот на паметни часовници во голем пораст

Strategy Analytics го објави најновиот извештај, во кој е опфатен пазарот на паметните часовници. Анализата се однесува на вториот годинашен квартал и целокупниот пазар на паметни часовници доживеа голем раст, што се навистина охрабрувачки вести. Неодамна е објавено дека се очекува дека Apple по 2020. година повеќе да заработува од носечките уреди отколку од компјутерите или смартфоните, па дефинитивно се чини дека показателите на пазарните перформанси се во ранг со очекувањата.

Се испоставува дека во вториот квартал, пазарот на паметни часовници е зголемен за дури 44 проценти во однос на истиот период претходната година. Вкупните испораки пораснале од 8,6 милиони уреди во вториот квартал на 2018. година на 12,3 милиони во вториот квартал на оваа година. Што се однесува до брендовите, Apple и натаму доминира на овој пазар со дури 5,7 милиони испорачани паметни часовници, со што за себе осигурува 46,4 проценти од овој дел на пазарот, кога станува збор за бројот на испорачани уреди. Истовремено, компанијата бележи силен раст од минатогодишните 3,8 милиони испорачани уреди, посматрано во истиот период.

Сепак, што се однесува до зголемувањето на пазарниот удел, најдобра работа направи Samsung. Нивните испораки се повеќе од удвоени – од 900 илјади на два милиона испорачани уреди. Благодарение на тоа, овој гигант во светот на потрошувачката електроника изби на второто место. Интересно е дека Fitbit од второто место падна на трето, и тоа со намален обем на испораки – од 1,3 на 1,2 милиони испорачани уреди.