Австриската нафтена група ОМВ и претпријатието Вербунд се согласија заеднички да изградат соларна централа која ќе има капацитет да снабди 5.500 домаќинства со електрична енергија, објавија компаниите.

Најголемата фотоволтаична постројка во Австрија, која ќе испорача околу 18 гигават часови (GWh) на енергија, треба да почне со работа во четвртиот квартал од 2020 година и ќе резултира со годишни заштеди од околу 12.000 тони CO2, објавија компаниите во заедничката изјава.

Компаниите планираат да инвестираат од 5 до 6 милиони евра (5,36 – 4,46 милиони фунти) во соларната фабрика, изјави извршниот директор на Вербунд, Волфганг Анзенгрубер, на прес-конференција.