Се очекува опасна сончева експлозија во следните 100 години

Американски астрофизичари предупредуваат на можна голема сончева експлозија наредниве сто години, која може да има негативно влијание врз Земјата.

Како што соопштија од Американската астрономска асоцијација, тоа се случува еднаш во неколку илјади години и, денес, може да уништи дел од земјините вештачки сателити, како и да предизвика глобален прекин на електричната енергија.

„Според истражувањата, таквите експлозии се ретки, но големи се шансите тоа да се случи наредниве сто години”, нагласи професор Јута Нотсу.

Тој додаде дека не може да се одреди кога точно тоа ќе се случи, но треба да бидеме подготвени.