iOS 13 ќе стави крај на функцијата 3D Touch

Apple се очекува постепено да стави крај на атрактивниот 3D Touch систем, кој веќе неколку години го користат нивните паметни телефони. Во последните неколку дена дознавме многу нови детали за подобрувањата и интерфејсот на iOS 13, што ја потврдуваат оваа изјава. Причината е тоа што оперативниот систем не ги поддржува гестовите што сме навикнале да ги очекуваме од 3D Touch. Наместо тоа, Peek, Pop и Home Screen Quick Actions се заменуваат со долго притискање на екранот.

Во пракса ова значи дека верзиите на iPhone кои се компатибилни со оваа функција нема да можат да ја користат откако ќе добијат надградба на iOS 13. Ажурирањето ќе биде достапно на есен. Меѓу листата на уреди се сите модели на паметни телефони од iPhone 6 наваму, освен iPhone XE и iPhone Xr, објави PocketNow. Спроведувањето на различни контекстуални активности сега ќе се направи со долг притисок на екранот на уредот од страна на корисниците наместо како порано.

Оваа функција ќе биде достапна за паметни телефони и таблети на Apple, како и за iPod touch од седмата генерација. Оваа опција работи слично на Haptic Touch командите во iOS 12. На овој начин, компанијата се надева дека ќе им олесни на корисниците брзо и лесно да го направат саканото дејство на мобилните уреди. Сето ова е дефинитивен доказ дека iPhone (2019) нема да биде опремен со сензор за 3D допир и ќе користи подобар мултитаскинг систем.