Бројот на „фишинг“ напади лани пораснал за 350 проценти

„Фишинг“ нападите се еден од најчестите начини на измама и кражба што ги користат сајбер криминалците. Обемот на овој феномен продолжува да расте, според една нова студија од Microsoft.

Според податоците од извештајот Security Intelligence Report (SIR), подготвен од американскиот ИТ гигант, бројот на „фишинг“ напади, извршени во просек секој месец, се зголемил за 350% во 2018 година

Како резултат на оваа засилена активност, просечниот удел на „фишинг“ во е-пошта како целина е зголемен за една година од 0,14% до 0,49%, или за 644 милиони писма месечно, достигнувајќи импресивни 2,254 милијарди фишинг пораки секој месец.

Во меѓувреме, извештајот на Microsoft објави пад на бројот на напади со т.н. вируси-изнудувачи (исто така познати како рансомвер). Нивниот интензитет опадна за 73 отсто минатата година.

И покрај падовите во котите за криптовалутите, овој сегмент на пазарот продолжува да привлекува голем интерес. За тоа сведочи фактот дека ширењето на програми за скриена екстракција на криптовалута (криптомајнери) бележи раст од 2,5 пати во 2018 година.