Razer по повод Валентајн ќе претстави розов лаптоп

Компанијата Razer подготви ограничен модел на лаптоп под името Razer Blade Stealth Quartz, кој има розова боја.

Лаптопот ќе се појави во продажба пред Валентајн, а според зборовите на директорот на Razer, Min-Liang Tan, овој модел ќе им ги “украде срцата” на сите.

Ова не е прв производ на Razer во розова боја, бидејќи компанијата минатата година претстави четири Quartz производи, но оваа година понудата е уште поширока. Тука се Basilisk маусот, Huntsman тастатурата, Kraken headset, Seiren X микрофонот и уште некој уред со розова боја.

Razer не наведува дека се надева дека розовите производи ќе ја привлечат женската популација, но потврдува дека колекцијата е подготвена за празникот Свети Валентајн.

Она што е важно да се наведе е фактот дека нема да има зголемување на цената, па розовите уреди ќе чинат исто како и стандардните модели. Сепак, розовата колекција ќе биде ограничена.

Razer Blade Stealth Quartz ќе чини 1.599 долари, а поседува процесор Intel Core i7-8565U од осмата генерација, 16 GB RAM, 245 GB PCIe SSD меморија, дискретна Nvidia MX 150 GPU и Full HD 13,3-инчен екран со резолуција 1920 х 1080 пиксели.