Првиот 5G смартфон на Huawei може да биде Mate 30

Huawei ги претстави плановите за воведување на 5G технологија во производи за масовни пазари.

Компанијата планира да го претстави својот прв 5G паметен телефон во втората половина на 2019 година. Веќе во вториот квартал на 2019 година ќе биде лансиран 5G мобилен рутер. Двата производи ќе користат сопствените развои на Huawei, со тоа што рутерот најверојатно ќе го користи 5G модемот Balong 5G01, презентиран во Барселона во февруари.

На конференцијата не беа откриени повеќе детали, но со оглед на временскиот период, паметниот телефон најверојатно ќе биде Mate 30, кој мора да биде претставен во есента 2019 година.