Mozilla ќе ги заштитува корисниците од страните кои ја следат интернет активноста

Инженерите на Mozilla развија алгоритам кој што ќе ја блокира можност веб страните да ја следат вашата интернет активност. Оваа функција е овозможена за корисниците на Mozilla на iOS системите. Алгоритмот ги запира вградените алатки на страниците кои го следат она што го правите онлајн. Функцијата е наречена „Tracking Protection“ и заштитува од најчесто користените методи на големите огласувачи и компании како Гугл и Фејсбук.

Според официјалните податоци на „Mozilla“, оваа нова опција е стандардно овозможена за „iOS“ мобилни уреди, информира „CNet“. Компанијата додаде дека тие посветуваат посебно внимание на безбедноста на корисниците и ова продолжува да биде главен приоритет во „Mozilla Firefox“. Новата функција се очекува да биде достапна за сопствениците на паметни телефони на Android во подоцнежната фаза на годината. Тоа е причината зошто компанијата нуди различни можности за контрола на информациите што се споделуваат за нашата Интернет активност.

Другите предности на „Тracking Protection“ се поврзани со брзината на вчитување на веб-сајтовите, како и фактот дека обезбедува подолг живот на батеријата. Во иднина ќе се работи и на подобрување на можностите на функцијата за блокирање на поголем број рекламни формати и алатки за шпионирање на корисниците. „Mozilla Firefox“ е популарен десктоп прелистувач кој не се користи толку често на смартфоните, но со слични иновации компанијата може да ги натера луѓето повеќе да ги тестираат можностите на мобилната верзија.

Напишете коментар

Вашата адреса за е-пошта нема да биде објавена. Задолжителните полиња се означени со *

twelve + ten =