Автомобил-робот е новиот член на полицијата во Дубаи

На улиците на Дубаи наскоро ќе почнат да се движат роботизирани патролни автомобили кои ќе ги одменат полицајците.

Овие минијатурни „возила без возач“ се опремени со најсовремена технологија и системи за автономно управување и ќе патролираат 24 часа дневно на улиците на Дубаи.

Автономните патролни автомобили можат да се движат целосно самостојно и да ги избегнуваат препреките на својот пат, како другите возила и пешаците и да ја надгледуваат околината со помош на камери кои покриваат 360 степени.

Роботско возило опремено е исто така и со биометриски скенер што му овозможува да трага по осомничени лица. Во состојба е и да препознае сомнително однесување на лицата на кои ќе наиде и да ги следи бегалците со помош на дрон кој го носи со себе и кој се активира по потреба.

Овој робот на четири тркала оспособен е и да детектира сомнителни предмети оставени без придружба-како торби, што ќе биде од голема корист во борба против тероризам.

Роботот кој е наречен „O-R3“ е дело на  сингапурската стартап компанија „OTSAW Digital“. Иако може да извршува сложени задачи, не е замислен целосно да ги замени полицајците во патролирањето, туку да им пружи подршка и помош во надгледување на теренот и главно ќе биде користен во деловите кои се најпосетени од туристите.

Првиот ваков робот ќе се појави на улиците во Дубаи до крајот на годината, а властите на градот планираат до 2030 година тие да сочинуваат една четвртина од сите патролни возила.

Погледнете како функционира овој футуристички полицаец на тркала