Xiaomi започна онлајн програма за замена на старите паметни телефони со нови. Стариот уред се враќа кога е доставен новиот паметен телефон. Уште во ноември минатата година кинескиот производител лансираше ваквата програма, но клиентите можеа да ја искористат услугата само со посета на некоја од продавниците Mi Home. Новата услуга е достапна за корисниците на онлајн продавницата Mi.com.

Програмата Mi Exchange им овозможува на старите сопственици на паметни телефони да добијат нов уред во онлајн режим. Понудата се однесува на широк спектар на уреди од 15 различни брендови.

Клиентот кој сака да си набави нов смартфон по системот „старо за ново“ треба да го наведе моделот на паметниот телефон кој сака да го замени, и да го објави IMEI бројот. Цената се одредува во зависност од статусот на уредот и тековната пазарна цена.

Xiaomi исто така има услов екранот на стариот паметен телефон да нема вдлабнатини, пукнатини или испакнатини. Ова значи дека уредот мора да биде во добра состојба, инаку нема да биде заменет.