Бизнисменот и иноватор Илон Маск на Твитер објави дека сака да започне со производство на оружје кое ќе фрла оган, а ќе се продава по цена од 500 долари.

“Кога ќе дојде до зомби апокалипса, ќе ви биде мило што сте купиле фрлач на оган. Успешно делува против хорди зомби, а доколку не е така, ќе ви ги вратиме парите!”, напиша Маск.

Во следниот, хумористично интониран твит, Маск ги известува потенцијалните потрошувачи дека ова оружје, освен против зомби, може да се користи и во нешто позабавни цели.

Неговиот творец истакнува дека “пламенофрлачот на компанијата “Boring”, со сигурност ќе ја заживее секоја журка”.

Маск претходно ветил дека ќе започне со производство на современо безбедно оружје кое ќе исфрла оган, ако успее да продаде 50 илјади бејзбол капи со логото на компанијата.

https://www.instagram.com/p/BeeTFQ7AYhy/?utm_source=ig_embed

По неговото соопштение дека капите се распродадени, Маск навел дека ова оружје наскоро ќе се најде во продажба, а истото веќе може и да се порача. Тој најавил дека испораките ќе започнат напролет.

https://twitter.com/SputnikInt/status/957662052683800578?ref_src=twsrc%5Etfw&ref_url=http%3A%2F%2Fsupermen.tocka.com.mk%2Fvesti%2F259220%2Fso-sigurnost-ke-ja-zazivee-sekoja-zurka-ilon-mask-ima-oruzje-za-borba-protiv-zombi-apokalipsata