Формиран тим од експерти од ЕУ за борба против лажните вести

Европската Унија формираше група од експерти со цел да помогне во откривањето лажни вести и да предложи начини на отстранување на проблемот.

39 експерти, кои денеска го имаа првиот состанок, треба да утврдат колку е голем проблемот и начинот на кој ќе се борат против лажните вести, пренесе агенцијата АП.

Европската претставничка задолжена за дигитално општество, Марија Габриел, изјави дека лажните вести се шират со загрижувачко ниво. Тие се закана за репутацијата на медиумите и благосостојбата на нашите демократии.

Пред неколку дена францускиот претседател Емануел Макрон предложи утврдување закон со кој би се спречило ширењето лажни информации во време на изборните кампањи.

Во тимот  експерти се новинари и академици кои своите препораки ќе ги предадат на Европската комисија пред крајот на април, наведе американската агенција.

Напишете коментар

Вашата адреса за е-пошта нема да биде објавена. Задолжителните полиња се означени со *

9 + one =