Конечно скенер за отисоци под екранот на телефонот

Како и во многу случаи, новитетите ги претставуваат помалите компании, а подоцна поголемите компании се китат со перјата. Таков е случајот и на самиот почеток на годината кога компанијата Vivo го претстави првиот телефон со вграден сензор за отпечаток од прст на самиот дисплеј. Функцијата која што најчесто се очекуваше од Apple и Samsung, ја добивме прво кај Vivo.

Vivo fingerprint sensor

 

 

 

 

 

 

 

 

 

Сензорот има ознака FS9500 и го произведува Synaptics. Телефонот на кој е поставен овој сензор засега нема официјално име, но изгледа како веќе готов производ. Продажбата ќе започне во втората четвртина од годината на азиските пазари. Брзината на сензорот е 0.7 секунди, што е поспоро од најголем дел од ваквите сензори што не се на самиот екран, но со оглед дека станува збор за прв производ, резултатот е одличен и на многумина оваа брзина нема да им претставува проблем.

Vivo fingerprint sensor

 

 

 

 

 

 

 

 

 

На Consumer Electronics Show, Vivo го претстави сензорот кој е подготвен за масовно производство, но засега има мали недостатоци. Најголемиот недостаток е што засега може да работи само на телефони со OLED екран. Бидејќи овој сензор е поставен под екранот, тој треба да ѕирне преку пикселите од OLED екранот за да го направи отчитувањето на прстот. Кај LCD екраните се користи позадинско осветлување, кое во овој случај ќе ја попречи работата на сензорот. Тоа значи дека засега кај телефоните од буџет категоријата нема да ја видиме оваа опција.

Vivo fingerprint sensor

 

 

 

 

 

 

 

 

 

Вториот недостаток е можноста на компанија како Vivo да успее да достави до корисниците голем број на телефони. Третиот недостаток е што телефоните на Vivo не се продаваат на големи пазари како САД и Британија.

Vivo fingerprint sensor

Напишете коментар

Вашата адреса за е-пошта нема да биде објавена. Задолжителните полиња се означени со *

1 × one =