Корисниците на Месинџер месечно испраќаат по 17 милијарди фотографии преку овој сервис.
Facebook Messenger доби поддршка за испраќање на фотографии во 4К резолуција. Резолуцијата која Messenger ја поддржуваше досега беше 2048 х 2048 пиксели (2К), а со новиот апдејт корисниците ќе имаат можност да испраќаат фотографии до 4096 х 4096 пиксели.
Messenger автоматски ги компресира фотографиите при испраќањето, со цел да се намали резолуцијата и нивните големини.
Меѓутоа, со тоа што резолуцијата 4К е сè подостапна и попопуларна, од Facebook одлучија да додадат и поддршка за UHD резолуција во апликацијата. Големината, наводно, нема да влијае врз брзината на испраќање на големите фотографии.
Поддршката за 4К видео ќе стане постепено достапна на корисниците ширум светот. Најпрвин ќе пристигне на уредите со Android и iOS во САД, Канада, Велика Британија, Австралија, Франција, Сингапур, Хонгконг, Јапонија и Јужна Кореја, а потоа и во останатите земји ширум светот.
Извор: B92.net