Компанијата Microsoft за своите вработени изгради три куќички на дрво во кругот на своето претставништво во Редмонд во државата Вашингтон. Две од куќите се веќе отворени за вработените, а третата треба да биде завршена до крајот на годината. Куќите ги дизајнира Пит Нелсон, водител на емисијата Treehouse Masters што се емитува на Animal Planet, а треба да траат 20 години.

Работните катчиња се достапни за сите вработени во базата на Microsoft во Вашингтон која се простира на површина од скоро 240 хектари. Во нив е обезбеден интернет како и дрвени работни масички на кои има електронски приклучоци. За сончевите денови во надворешното уредување се планираат столчиња за нишање.

– Вработените во компанијата велат дека со оглед на можноста која им се укажува, тие ќе работат повеќе надвор отколку во канцеларија, рече Брет Боултер кој работи во одделот за недвижности, а воедно и го предводеше овој фантастичен проект.

Со градењето на куќите од компанијата сакаат вработените да се приближат кон природата и да им обезбеди поудобно и релаксирано деловно опкружување. Истите се опремени со безжичен интернет и електрични приклучоци, клупи, камини и надворешна WiFi мрежа.