Моментно Google Assistant е единствено достапен на уредите како што се Pixel телефонот или Google Home. Одредени извештаи сугерираат дека функцијата ќе пристигне и на Chromebook компјутерите. Меѓутоа, изгледа дека ова нема да биде единствената платформа што ја има Google на ум, бидејќи корисниците наскоро би можеле да го користат и во рамки на интернет прегледник.
Ова е базирано на неодамна откриениот фајл за развој на Chrome, кој открива дека Google Assistant би можел да биде достапен на веб преку Chrome прегледникот.
Со оглед на тоа дека Chrome е најдоминантен браузер на пазарот, ова значи дека Google ќе има прилично солидна корисничка база за Google Assistant. Ова исто така ќе го направи сервисот попристапен за оние кои не користат Android, односно употребуваат Windows и Mac компјутери.
Засега не постои специфичен датум на објава на Google Assistant за Chrome на десктоп.