Vertu ќе остави 200 вработени на улица

По безброј перипетии, англискиот производител на луксузни телефони Vertu изгледа запира со работа. На почетокот на оваа година, турскиот бизнисмен Мурат Хакан Узан (Murat Hakan Uzan) го стекна брендот и предложи да им исплати на доверителите 1,9 милиони фунти од долгот на компанијата (кој е вкупно 128 милиони фунти).

Според The ​​Financial Times, Vertu запираат со работа и производство, што ќе доведе до намалување на околу 200 работни места.

Повторно според The ​​Financial Times, Узан се уште ги држи правата над брендот и смета во одреден момент да го обнови. Дали и кога тоа ќе се случи, сепак, не е јасно.

Vertu почнаа со работа во 1998 година како дел од Nokia и произведуваа луксузни верзии на нивните телефони. Подоцна компанијата почна да конструира смартфони со Android по цени од 30.000 долари – со панели од змиска кожа, кожа од ној, злато, дијаманти итн.

Во 2012 година Vertu беа стекнати од страна на компанијата за приватен капитал EQT, а подоцна ги купи кинеската фирма Godin Holdings пред брендот да стане сопственост на Узан.

Напишете коментар

Вашата адреса за е-пошта нема да биде објавена. Задолжителните полиња се означени со *

four × 3 =