Како и што најави на почетокот на месецот, LG сега ни донесува два нови смартфона – LG G6+ и верзијата од 32 GB на својот G6 модел. Додека LG G6 со 32 GB е воглавно идентичен со оригиналниот G6 модел (не сметајќи го помалиот простор за складирање), LG G6+ пристигнува со некои нови функции.

И двата телефона имаат идентичен дизајн, нп LG G6+ има интерна меморија од 128 GB и поддржува Qi безжично полнење. LG исто така истакнува дека сите варијанти на G6 ќе имаат симултана надградба на софтверот.

LG G6/G6+ спецификациите вклучуваат: 5.7-инчен (1440 × 2880p) QHD+ LCD екран (19:9 формат, 564 PPI), четиријадрен Snapdragon 821 процесор и Adreno 530 GPU, 4GB LPDDR4 RAM, 32GB/64GB/128GB (UFS 2.0) проширлива интерна меморија, 13MP камера на задната страна, 5MP предна камера, сензор за отисок на прстот, IP68 сертификат, 32-bit Hi-Fi Quad DAC, Dolby Vision, Android 7.0 (Nougat) со LG UX 6.0/Google Assistant, 3300mAh батерија со Quick Charge 3.0 и Qi безжично полнење за LG G6+ моделот.

ИЗВОР: NextPowerUp