Motorola продолжува со експанзија на својата линија телефони за 2017 година, со додавање на два нови Moto E модела.

Moto E4 има HD дисплеј, Qualcomm Snapdragon 425 процесор и очекувана цена од 149 евра, додека Moto E4 Plus има поголем екран од 5,5-инчи, поголема батерија и Snapdragon 427 чипсет, а во Европа ќе чини 199 евра.

Помалиот Moto E4 модел го продолжува трендот на Motorola на објавување на евтини телефони со солидни карактеристики. Моделот има и 2 GB RAM, 16 GB простор за складирање, 8 MP камера за задната страна со автофокус и LED блиц и 5 MP предна камера. И двете камера поддржуваат burst mode и HDR фотографии. Moto E4 има и 2800mAh батерија, а со телефонот стигнува и брз полнач. Тука е и micro USB портот,  802.11ab/g/n WiFi и еден звучник.

Moto E4 Plus има 5.5-инчен 720p дисплеј и слични спецификации како Moto E4. Разликата е во изборот помеѓу 16 или 32 GB простор за складирање, 13 MP камера на задната страна и батерија со капацитет од 5000 mAh.