Skype ја објави новата верзија на својата апликација за Android, која сега е достапна преку Google Play продавницата. Skype 8.0 донесува голем број новитети и подобрувања, а еве краток преглед на она што можат да го очекуваат корисниците.
Најпрвин, групните разговори се редизајнирани за да изгледаат поекспресивно и поживописно. Корисниците можат да го прилагодат Skype со своите омилени бои. Сега е можно да се притисне иконата за реакција, покрај опцијата за повик или видео повик во разговорот.
https://www.youtube.com/watch?v=qItfRVJFljM
Skype ја додаде и својата верзија на Snapchat функцијата „Stories”, која тука се вика „Highlights”. Функцијата им овозможува на корисниците да креираат дневни моменти со најбитните фотографии и видео клипови и да ги споделуваат со пријателите.
Новиот „Find” панел го олеснува пребарувањето во апликацијата. Покрај Find панелот се наоѓаат и два таба – Chat и Capture, помеѓу кои можат да се префрлаат корисниците.
https://www.youtube.com/watch?v=RU9w41tPXyc
Според наводите на тимот на Skype, верзијата 8.0 најпрвин ќе биде достапна на Android уредите, а потоа ќе пристигне на iPhone.