Google пред неколку месеци потврди дека работи на полна поддршка за Android апликациите на Chromebook лаптопите. Сите модели нема да ја имаат оваа поддршка, но би требало да постојат повеќе од 80 модели што ќе ги поддржуваат овие апликации. Google сега донесува поддршка и за најновите Chromebook уреди на Lenovo, HP i Acer.
HP Chromebook x360 11 G1 EE е еден од моделите што ќе добијат поддршка за Android апликациите. Меѓутоа, поддршката за Android на овој Chroembook моментно е во Chrome OS Beta каналот.
Lenovo ThinkPad 11e и Yoga Chromebook сега поддржуваат Android апликации, исто така преку Chrome OS Beta каналот. Корисниците, како и кај HP Chromebook x360 11 G1 EE моделот ќе мораат да се префрлаат помеѓу двете верзии на оперативниот систем за да ги користат Android апликациите.
Acer Chromebook Spin 11 исто така донесува целосна поддршка за Android апликации. Лаптопот пристигнува со Play Store директно инсталиран во системот.
ИЗВОР: Ubergizmo