Samsung само што го најави лаптопот Notebook 9 Pro, што ќе биде достапен во варијанти со екран од 13,3 и 15 инчи. Со овие модели Samsung го усвојува multimod PC пристапот во 360 степени, а Notebook 9 Pro исто така доаѓа и со пенкалцето на Samsung, S-Pen што во потполност е поддржано од Windows Ink технологијата.
LED дисплејот кај двата модела со 1080p резолуција, а треба да се напомене дека уредот има елегантен, минималистички дизајн. Под хаубата се наоѓа процесорот Core i7 7500U, додека 15-инчниот модел има дискретна графика во вид на Radeon 540. Помалиот модел има 8 GB RAM меморија, додека 15-инчниот модел доаѓа со 16 GB RAM, а покрај тоа има и 256 GB SSD.
Лаптопот очекувано го има најновиот WIFI AC стандард, како и Bluetooth 4.1, а тука се и дуал звучниците од 1.5W. И двата лаптопа имаат поголем број портови – 2XUSB 3.0, 1XUSB-C, HDMI, MicroSD, HP/Mic, DC-in како и идентична батерија од 54Wh.