Acer Iconia Tab 10 и Iconia One 10 ги покренуваат MediaTek чипови со четиријадрени процесори

Пред Computex 2017, тајванската компанија Acer најави два нови Iconia Android таблет уреди. Компанијата не ги откри комплетните спецификации на двата нови уреда, а не се познати ниту нивните цени и достапност.

Acer Iconia Tab 10 и Iconia One 10 ги покренуваат MediaTek чипови со четиријадрени процесори, а нудат осум часа работен век на батеријата. Таблет уредите исти така имаат и DTS-HD звучници и безжична AC конекција.

Главната разлика меѓу двата модела е недостатокот на Quantum Dot дисплеј технологијата кај Iconia One 10, но од друга страна овој модел има два Micro-USB порта. Повеќе детали за новите таблети на Acer се очекува во следните денови, во текот на Computex 2017.

ИЗВОР: NextPowerUp